القائمة الرئيسية

الصفحات

كرونيك جزائرية منيب و ميار جديدة | كرونيكات جزائرية


كرونيك جزائرية منيب و ميار جديدة | كرونيكات جزائرية


كرونيكات جزائرية قصيرة pdf
روايات باللهجة الجزائرية pdf
كرونيكات جزائرية تحميل
ليوم نقدم لكم كرونيك جديدة بعنوان كرونيك جزائرية منيب و ميار جديدة
كرونيك رائعة جدا  قدمنا لكم ايظا كرونيك بعنوان رقصتي غيرت حياتي

كرونيك جزائرية منيب و ميار جديدة | كرونيكات جزائرية
 
تحميل  كرونيك  PDF
 متوفرة الان حمل كرونيك    PDF
 كرونيك جزائرية منيب و ميار جديدة | كرونيكات جزائرية

طريقة التحميل كما في الصورة

كرونيك جزائرية منيب و ميار جديدة | كرونيكات جزائرية




واش نزيد ...نحكيلكم على بابا ...سامحوني مانعرفوش يدخل و أنا راقد و يخرج و أنا راقد و اكثر الوقت مسافر و مشغول ...
هذا كامل ماهمنيش المهم عندي ريحة أم و أب ...بصح لا مافضتش عند الحد هذا ماتفاهموش و حبو يطلقو و كل واحد فيهم باغي يتخلص من نتائج الزواج هذا الي كان أنا .... بصح نكرههم و مانسامحهمش و أنا خير منهم و خيرت نهنيهم من همي و نراهنكم أنهم ما حوسوش عليا خلاااااه.
لقاني راجل كبير نهار مطر و ريح الناس كامل في ديارها و لابسة قشها و أنا كنت عريان و حفيان و

نرجف تحت المطر ...حن قلبو عليا و داني معاه ... "عمي الساسي" كان يخدم سراق و علمني كل شيء علمني نقرأ و ننجح و نكذب و نسرق و نولي راجل و نعول على روحي علمني معنى تمرض و عبد يسهر عليك يخاف عليك و يحبك أكثر من والديك ...
عمي الساسي العام كي لقاني كان عندو وليد خوه مات في أكسيدون و الصدفة قدي في العمر مابلغش على وفاتو و عشت طول عمري بالهوية تاعو ...قريت و
كبرت و وليت راجل و درك عمري17 سنة عمي الساسي مرض و حبس الخدمة
(السرقة ) و مابقالناش بواه نعيشو ...
|| الحلقة 2 ||
كبرت و أنا نسمع في عمي الساسي يقول السرقة في السراق حلال و يقلي يا منيب ولدي النهار الي تسرق ماتسرقش زوالي كيفك أسرق واحد يسرق في صوارد الزواولة و قعدت هدرتو في راسي دور ...
حتى جاء النهار الي قررت ندير أول سرقة كبيرة ليا ... ولازمني نخير عبد مشهور بالفساد تاعو و ماكلت مال الزواولة ...
منيب : شوف لكن راح تضربك الخلعة غير قلي درك و ماتروحش معايا خلاااه ..
أمين : خسارة عليك شريكي رانا ليزوم ...
منيب : بللللع قالك ليزوم و انت تشوف الدولة تخرى على روحك ....بصح المرة هذي مادير والو... أوقف في الباب تشوف واحد داخل بيبيلي ...فهمت ؟؟

وصلنا لباب الدار تاع رئيس البلدية الي خلااااها و كلاها كل في كرشو وواحد ما خذا معاه لا حق لا باطل ظالم و حڨار و ناس البلدية كل شاهدين أنو عبد رخيس ...عسيت دارو حتى عرفت أنهم رايحين للعرس ستنيتهم يروحو و يرقدو ....طفاو الضواو و كانت الساعة12 تاع الليل دخلت بعد ما حليت الباب الصغير تاع الدار الي جاي على جنب أمين واقف يعس...و أنا كانت ليلة سعدي ... دخلت نحوس على صوارد ولا ذهب المهم الحاجة الغالية الي تسوى ... نشوف نلقى الكوفر تاع الذهب معبي و محطوط فوق طابلة في الصالون خرجو عينيا من راسي و أنا نشوف في هذاك الذهب كل ...هزيتو و أنا طاير بالفرحة جيت خارج حتى نتلاقى طفلة صغيرة هي تشوف و أنا نشوف معاها ترسمت صورة هذوك العينين في مخي جات تحل فمها تعيط ضربتها بحاشية الكوفر طاحت و خليتها في نص دمها غارقة خرجت نجري كنت هاز في يدي قيمة مليار ذهب بصح عقلي خليتو في الدار عند الطفيلة الصغيرة هذيك
أمين : واش عملت ؟؟ منيب : والو هيا نروحو ...
أمين : واش فيه ؟؟ منيب : فارغ حسبتو فيه بصح لقيتو فارغ ..
أمين : هات نشوف ..
منيب : نحي رب يدك روح *** عليا روح تروح قتلك فارغ ...كنت رايح للدار و الخلعة في قلبي نكون قتلتها ؟؟ عمي الساسي : منييييب هذا أنت ؟؟ منيب : هيه أنا ...
عمي الساسي : ڨدم عندي واش بيك واقف في الظلمة ؟؟ دخلت عندو ووجهي يمد الخبر ....كنت نرجف و هاز الساشي الأكحل هذاك الي في نصو الكوفر و نخبي فيه من وراء ظهري ...
عمي الساسي : واش بيك بسم الله الرحمان الرحيم تقول قاتل روح ...؟؟ وواش في يدك ؟؟ ماحسيتش بروحي كيفاه تربعت في الأرض و حطيت يديا فوق راسي و بديت نبكي ...قتلتها ....
و الدقيقة هذيك عمي الساسي تنطر من بلاصتو وقف و حكمني بيد وحدة و لصقني مع الحيط (ماقلتلكمش عمي الساسي راجل ضخم و كي تشوفو من بعيد تخاف ) شكون قتلت...
منيب : والله ماقصدت والله غلطة ماعلاباليش إذا ماتت ولا لا والله موش بالعاني ....
|| الحلقة 3 ||
فهمني يلعن والديك واش عملت وواش الي في يدك ...نحالي الساشي من يدي و فتحها و صرالو ماصرالي كي شاف الذهب هذاك كل ....منين جبتيه ؟؟ منيب : سرق بيت المير و قتلت بنتو.... والله هي الي جات في طريقي ضربتها للراس و خليتها في دمها و خرجت ...

عمي الساسي : بالشوي أحكيلي ...ماتت ؟؟
منيب : ماعلاباليش ضربتها بالكوفر للراس المهم خليتها طايحة في الأرض و ماتحركتش خلااااه ...
عمي الساسي : أسمعني مليح و حل عينيك ووذنيك مليح مليح ... أنا الي سرقت و أنا الي ضربت و أنا كل شيء ...هذا إذا حكمونا هيا لم حوايجك نروحو ...
منيب :بصح وين ؟
عمي الساسي : أمشي قدامي و أربط فمك كبرت و عدت دير في رايك و ما تخبرنيش في الطريق نتفاهمو
لميت شوي قش و شوي حوايج حطيناهم في المازدا و مشينا أنا و عمي الساسي كانت طريق طويلة عمي الساسي الي طول عمرو يقول هنا يموت قاسي هجر دارو و حبابو و صحابو على خاتري .... وصلنا للحدود التونسية و بما أنو عمي سراق كبير يعرف الناس في كل مكان و يعرف المهربين ....تفاهم مع واحد يهربلو شوي حوايج من بينهم الفور الي حط فيه الذهب هذاك كل و قفل عليه من غير ما يحلب المهرب كان الفجر كي وصلنا للديوانا باه نخرجو لتونس ... فاتت الإجراءات سلامات و خرجنا ...وصلنا لتونس العاصمة تلاقينا بالمهرب مدلنا الحوايج و مشينا ..وصلنا قدام دار تبان في قلب تونس العاصمة كبيرة و قديمة جبد عمي الساسي مفتاح من جيبو و فتح الباب و بقيت حاير ...

منيب : تاع شكون الدار ؟

الساسي : تاعي ..

دخلت معاه و أنا ساكت خاتر كان قلقان مني و يهدر معايا كلمة و مايزيدش ...

الدار تبان قديمة و عندها سنين مافتحها حتى حد من طبقات الغبار الي نازل .....طلعنا لبيت لفوق نفضنا الغبرة شوي شوي و كانت العشرة تاع النهار عمي الساسي غطى على راسو و رقد و أنا مازالت خزرت العينين الزرق هذوك بين عينيا ندمت أني دخلت الدار هذيك ....بقيت طالع و هابط في الدار و نشوف في تصاور بزاف عباد و كلهم أبيض و أكحل و مافهمت فيها حتى شيء تاع شكون الدار هي ؟؟....تقلبت هك و هك و ماجانيش النوم نستنى في عمي الساسي ينوض يفهمني واش راح نعملو و كيفاه راح تكمل الحكاية هذي ...

ناض عمي الساسي مع العشية ...
منيب : فهمني ماتخلنيش كيما هك علابالي غلطت علابالي ماشاورتكش بصح .ً....مابقالناش بواه نعيشو و المير يستاهل السرقة و كثر ....
الساسي : راح نبقاو هنا عايشين حتى تفض حكاية الذهب الي سرقته و تبان الطفلة حية ولا ميتة ....

|| الحلقة 4 ||

في دزاير ..(ليلة السرقة )
الو الإسعاف بنتي ضربوها على راسها و دايخة ...
مرت المير :ياااااه نندب وجهي ذهبي ذهبي كل شيء راح كل شيء سرقوه آآآ (داخت )
وصلت الإسعاف و هزت مرت المير و بنتها ...وصلوهم للسبيطار و عملولهم الإسعافات اللازمة
الطبيب : الحمد لله السي المير جاتها سلامات ضربة صغيرة برك خيطناهالها و المدام طاحتلها لاطونسيون شوي و تولي لاباس و رانا خبرنا الشرطة ....
المير مارسي الحكيم ...
عملت الشرطة التحقيقات تاعها و مالقاو حتى شيء السراق كي دخل لقى الكوفر فوق الطابلة في الصالون خاتر مرت المير كي روحت من العرس ماخباتوش و الطفلة ماقدرتش تتعرف على السارق خاتر كان مغطي وجهو ...و مكانش آثار كسر ولا حتى شيء و تغلقت القضية ضد مجهول ....
المير : حبيتوني نهبل حبيتوني ندخل بعضايا فايت المليار يا عباد الله كيفاه ماتلقاوهمش كيفاه؟ لازم يتباعو وين تباعو ؟ حوسو عليهم كيفاه تشقت الأرض و بلعتهم ؟؟ الشرطة : الله غالب ربي يخلف عليك ...بالحلال ..
جماعة في القهوة يحكيو ....
*خرجو فيه دعاوي الشعب ...

*خاتر يسرق و يشري فيهم ذهب للمدام *والله يا لكن نلقى الي سرقو غير نسلم عليه بين عينيه *يستاهل الله يلعنو من النهار الي جاء للبلاد كلاتنا الزبابيل ...
مرت المير :قتلك100 مرة بزاااايد من الحرامات بزايد هاو راح كل شيء بصح علابالك جاتني فيك كي العسل الحمد لله كي منعتلي بنتي و الباقي كل الله لا يردو...
المير : مانزيدش نسمعك سخفتي على خاتم ولا على سلسة مالا سمعتي ؟؟
مرت المير : ههههه أصلا طلقني مانزيدش معاك شبعت و مليت .. هدرت الناس ثقبتلي وذنيا و أنا نسمع في الناس كل تستشفى فيا طلقني خلاص كل شيء ....
ميار : لا ماما مانخلوش بابا لا ماما .....(ميار10 سنين بيضاء و عينيها زرق كي لون البحر


كرونيك جزائرية منيب و ميار جديدة | كرونيكات جزائرية

كرو جديدة توب 💋ابطالها #منيب & #ميار

|| الحلقة 5 ||
فاتت7 سنوات و بدات الحكاية
منيب : كيفاه ؟؟
الساسي :قتلك نرجعو ...
منيب : واش نرجعو نديرو و حنا بدينا حياتنا هنا عندنا كل شيء ...
الساسي : باغي تقعد أقعد أنا مانموتش في بلاد الناس ..
منيب : كيفاه بلاد الناس و أنت زايد هنا و أمك تونسية ...
الساسي : بصح بابا دزيري و قتلك نرجع لدزاير يعني نرجع أصلا جيت غير باه نمنعك من الحكاية .. غير هك عمري ماكنت نجيها
منيب : بصح الي فات مات هنا عندنا كل شيء عندك الحانوت و أنا كملت قرايتي و بديت نخدم خدمة محترمة واش بغيتنا نديرو في دزاير نرجعو نس.....(سكت
الساسي : هيه نرجعو نسرقو و هيه النهار الي عرفتيني سراق زيد موش عاجبك الحال أقعد أنا الشهر هذا نرجع لناسي و أحبابي ...
منيب : حتى هنا الناس كل تحبنا خالتي محبوبة و سيرين و عمي المنجي و الحومة كل . ...

الساسي : ههههه قلي سيرين برك و أسكت ... نخطبهالك و تزوجو و نديها معانا لدزاير ...

منيب : يزينا برك عمي بلا تمسخير

الساسي : في يدك سمانة و خبرني واش راك ناوي أنا خ
لااااص راجع ...

مدة السبع سنين هذم منيب نجح في الباك و دخل للجامعة و قرأ إدارة أعمال و تخرج و حكم خدمة في شركة كبيرة ..أما عمي الساسي ظهرت حكايتو حكاية هو مولود في تونس خاتر أمو تونسية و باباه دزيري ماتت أمو و كي رجع باباه لدزاير وقت الثورة داه معاه و الدار كانت تاع أمو ...
سيرين : أمان منيب ماتروحش .
منيب : وعمي كيفاه ندير معاه مستحيل نخليه ..
سيرين : و أنا منيب ماخممتش فيا ؟؟
منيب : ماتقوليش كيما هك محسوب دزاير و تونس بعاد على بعضاهم ؟ نروح مدة معاه و نرجع ..
سرين : (تبكي ) باهي يا السي منيب روح ...أصلا مافما شي بيناتنا ..
منيب : أقعدي سرين وين رايحة ...
بايت نخمم الليلة هذيك في القرار المصيري الي راح نديرو عمي الساسي يحب يبيع الدار و الحانوت و يرجع لدزاير و من حقو أصلا عمل على جالي الي ماعملوش والديا زيد حكاية السرقة فضت و المير مات و بنتو قالولنا ماصرى بيها والو.
طلع النهار ..
منيب : صباح الخير السي كمال لاباس ؟؟ السي كمال : الحمد لله بخير ...خير منيب كشما ستحقيت ؟؟

منيب : نحب نستقيل من الخدمة ..

السي كمال : علااااه ؟

منيب : باش نرجع لدزاير ...

السي كمال : باهي قول هك ..عندي ليك عرض عمل راح يعجبك

منيب : قتلك رايح لدزاير واش راح نخدم ؟

السي كمال : الفرع تاعنا الي ثم تقدر خدم فيه هذا إذا كان مازال عينك تخدم عندنا ..
منيب : مارسي السي كمال سافي بليزير ...

السي كمال : درك نتلهى بكل شيء و أنت طريق السلامة ...


|| الحلقة 6 ||


روحت للدار و لقيت عمي الساسي قاعد مع راجل محترم كان باغي يشري الدار و الحنوت..الظاهر تفاهمو على كل شيء و سهل ربي في رجعتنا لدزاير تصدقوني قلبي قابضني و موش عارف علاه مع أنها قضية السرقة تسكرت و مابقالي من واش نخاف ممكن خايف من الي مخبيتهولي الأيام ... كملت إجراءات البيع تاع الدار و الحنوت و الله يبارك صوارد كبيرة ...

سرين : خلاااص موش باش نشوفك بعد اليوم ؟؟ منيب : أوووه علاه تبكي دزاير و تونس خطوة من الي يكون عندي وقت نجي نطل عليكم .. ..كاش واحد ينسى أختو ؟؟ سرين : (تمسح في دموعها ) أي أي أختك ...باهي ربي يسهل طريقكم ....(راحت تبكي و تخبي في حزنها و حسرتها )

سرين عشقت في منيب من أول نهار شفاتو فيه في الحومة النهار الي داتلهم فيه صحن الملوخية ...

عمي الساسي : هيا منيب راح الحال ...

ركبت في الطوموبيل بعد ما ودعنا جيرانا و أحبابنا و بديت نمشي و نخمم ...مانعرف علاه وليت نحس سرين حساسة النهارين هذم ...

عمي الساسي : الحب يا وليدي و مايدير ..

منيب : سرين تحب ؟ شكون ؟ وقتاه ؟؟ عمي الساسي: ياخي بهيم ياخي أنت في كل شيء طاير غير أمور الحب و الغرام نقلك بهيم تقلي راني هنا ...الطفلة طايحة فيك من الي شافاتك الناس كل علابالها ...


منيب : تحبني أنا ؟ لااااااا كل عمري نتعامل معاها كي أختي جامي قلتلها حاجة تخليها تحبني ...


الساسي : القلب و مايريد ...


منيب : وعلاه ما ولهتنيش ؟ علابالك بيا معقد درك باه تقلي يا عمي ....

الساسي : خليها للأيام هي الي تفرق و تلم ..

وصلنا لدزاير ...و تلاقينا الحباب و الجيران و فرحو بينا الناس كل ...
قعدنا عند واحد من صحاب عمي الساسي بين ما ريقلنا أمورنا قررنا نشريو دار نسكنو فيها ...كنت نخرج ندور في المدينة نحوس على دار حتى نلقى دار المير للبيع ماعرفتش علاه سقسيت على المالك تاعها مابقاش المير ساكن فيها و قررت نشريها مانعرف علاه.

أمين : واش راك شريكي ؟؟ منيب : أهلا بالبق والله غير خدمت لاطاي ههههه

أمين : الله لا يتربحك مازلت تشفى ؟؟ منيب : وعلاه حاجة تتنسى؟ واش حوالك واش داير فيها ؟؟ أمين : مازلت نقرأ هاني مع الجامعة ... و انت هاك ريڨلت أمورك الطوموبيل و الخدمة و بقيت أنا ...
منيب : عمي الساسي ظهر عندو رزق كبير في تونس خلاتو أمو ...الحمد لله فرجها علينا ربي .
أمين : أحشيلي أحشيلي هكاك عمي الساسي و بتاتي و باتاتا ماتكلخنيش خلااااه دفناه مع بعضانا...و ديت كل شيء و خليتني بصح أنا فحل عليك ماحكيت والو و سرك في بير ....
منيب : واش راك تهدر أنت ؟؟؟

|| الحلقة 7 ||



منيب : واش راك تهدر أنت ؟؟؟

أمين : الكوفر تاع الذهب قيمة مليار مازلت تكذب عليا لدرك ؟؟ علابالي بكل شيء و مازلت نستنى في قسمتي لا تحسابني نسيت ... المير قريب هبل صوارد المدينة كل كانت في هذاك الكوفر ....

منيب : الكوفر مازال بأمانتو عمي الساسي ماحبش يصرف منو راح نمدوه لأصحابو بصح لتحت لتحت أصلا غلطت عمري أني سرقت ...
أمين : تت***حبيتيني نصدق أنكم وصلتو لتونس طل عليكم القدر؟؟ تحاسبني بقسمتي ما*** ما نت*** بيك
منيب : هههههه حسبتك صاحبي ظهرت *** بصح لكن تذوق منهم دورو أنا مانيش راجل ولا نسيت شكون هو منيب نفكرك "قربت راسي لراسو و خزرت فيه خزرة الشر تاعي تاع بكري" .... حتى يفوتو علينا زوج بنات ...
أمين : هههه (يهدر ) هاي جات مولات الشي تعرف منيب شكون هذي ؟؟ ميار واش راكي ؟؟ ميار : لاباس أمين خويا ..

رحمة :اوووه راني هنا أنا أختك أمين خاطي ميار

أمين : ميار بنت المير عرفتها منيب ؟؟؟ شفتها قبل ولا نفكرك .

منيب : (زربت قفلتلو فمو ) ميار واش راكي ؟؟ ميار : هيا رحمة ...راح الحال..


رحمة : أصبري سع ..أمين شكون هذا (في قلبها البوقوص ) ؟؟؟

أمين : صاحبي منيب كان عايش في تونس و رجع .. ميار راحت و رحمة مازالت تهدر و تقلي تشرفنا بصح أنا رجع بيا الوقت 7سنين و رجعو للذاكرة هذوك العينين الزرق كي البحر هذيك الخزرة الي مليانة خوف نفسها الفرق الوحيد النواظر تاع الشوف قلبي ضرب و مازالو يضرب كيما أول نهار ضربتها بالكوفر و هربت بصح المرة هذي ماكنتش خايف ماعرفتش علاااه ممكن الذنب ولا حاجة أخرى ماعرفتهاش ...

هي تمشي و رايحة و أنا نتبع فيها بعينيا و أمين يقلي أووووو وين رحت ؟؟ منيب : هذي هي الي ضربتها ؟؟ أمين : هههه هيه
منيب : واش حوالهم درك قلتلي المير طلق أمها ...
أمين : حالتهم تشفّ و فرات عايشة مع أمها كاريين دار العيد الميكانيسيان و أمها تخدم في الديار تاع الناس و باباها مات عندو 3سنين ...ماخلالهم والو ...

بقات الطفلة هذيك تحرق في قلبي أنا سباب الحالة الي وصلولها ماتستاهلش تعيش كيما هك ...
ريقلت أوموري و شريت دار المير و رجعت للخدمة و كنت كل يوم كي نخرج رايح للخدمة نشوف ميار رايحة لليسي كانت تقرأ ترمينال كيما قالي أمين .... كل يوم كنت نحب نهدر معاها بصح ماعرفتش واش نقول ...
ميار : الطفل هذا شفتو من قبل مانعرف وين ؟؟ رحمة : هههههه وعلاه أنتي عمرك شفتي طفل من قبل ولا هزيتي راسك من الأرض بلاك في أحلامك ..
ميار : أنا الغالطة نهدر معاك ...صح معقدة و نخاف من الرجال بصح هذا بالتحديد شايفاتو ...

|| الحلقة 8 ||



منيب : لازم نجيبو وحدة تسيقلنا الدار ولات حالة والله مانقدر عليها وحدي ...في تونس كثر خير خالتي محبوبة بصح هنا نبقاو هك تدود الحالة ....
عمي الساسي : قتلك لواش لينا الدار هذي كل لكن شرينا برطما صغيرة و خلاص ...
منيب : عجبتني ... درك ندير إعلان على فام دوميناج و ربي يسهل
علقت الإعلان و كانت أول وحدة تقدمت للخدمة "وردة " أم ميار و مارفضتهاش قبلت تخدم عندنا العكس فرحت أنها طريقة نقدر نعاونهم بيها من بعد ما فسدتلهم حياتهم بطريقة غير مباشرة ....


بدات الخدمة و رجعت الدار صفة دار بعد ماكانت عبارة عن مزبلة عمومية .


فاتت ليام و قرب الباك تاع ميار و كانت فرصة نهدر معاها و نتمنالها فيها النجاح ....


منيب : صباح الخير خالتي وردة صباح الخير ميار ...


وردة و ميار : صباح الخير منيب .


دخلت خالتي وردة و عدات ميار و قررت النهار هذاك نروح على رجليا و نهدر معاها ...


منيب : رايحة تعڨبي ؟؟ ميار : (بخوف)هيه ....


منيب : ربي يوفقك ...


ميار :آمين (و راحت تجري )


الطفلة أكثر مني حسيتها خافت ماتت كي هدرت معاها ...


فات الباك و جات المفاجئة .. عمي الساسي : منيب ولدي حبيت نهدر معاك في موضوع ...


منيب : تفضل واش كاين ماخي لاباس برك؟


عمي الساسي : بغيت نزوج ...


منيب : ماكنتش مصدق الي سمعتو ... هههههههه تزوج هذا الخبر الي عندي سنين نستنى فيه والله فرحتني ...شكون سعيدة الحظ الي رضى عليها قلبك ...


عمي الساسي :قول حبيبة القلب الي رضات على قلبي ...


بقيت حاير خاتر عمي الساسي عمرو ما تزوج و هو درك في عمرو60 سنة سمعت بكري هدرة أنو الي كان يحبها تزوجت ...


عمي الساسي : حبيت نزوج بوردة ...


منيب : أم ميار ؟؟ الساسي : هيه أم ميار و بربي تكون هي بنتي و أنت ولدي ...


جاتني الفكرة شوي غريبة أنو نعيشو حنا في ربعة مع بعضانا خاتر كيما تعرفو الحكاية أنا موش ولد عمي الساسي صح ...


و كيما كان الحال خطبها عمي الساسي و شهر و يدير عشاء و يعقدو و عرفت من بعد أنها وردة هي حب حياتو ...


*نهار العقد:


ميار كانت متغششة و باين عليها الحزن و أما الباقي كان طاير من الفرحة الجيران و الحباب ذبحنا و عملنا وليمة كبيرة و صحاب عمي ماتفرقوش حتى ضربو فيها شطحة و زهاو الحالة بالزغاريت و الغناء .


كنت قاعد و عيني غير على هذيك الملايكة الغيرة الي كانت كل حاجة في وجهها تقول أخطوني ماتهدروش معايا مع أنو صحاباتها كل جاو خاتر كنا جيران و حومة وحدة البنات كل لابسين و ممكيجين غير هي لابسة المستور و وجهها مافيه والو مالڨري هذا كل كانت تهبل مانعرف أنا الي ذوقي غريب ولا صح كانت بوقوصة ..


 

|| الحلقة 9 ||



فات العرس و عمي و العرسة قررو نروحو كامل لتونس منها شهر عسل منها ميار تنحي التعب تاع الباك سمانة و لا10 أيام


منيب : صباح الخير


فاتت عليا من غير ماترد ...


منيب : عندك كابا هاتي نهبطها للطوموبيل ..


ميار :نهبطها وحدي


ركبنا رايحين عمي و وردة راكبين من التالي مع بعضاهم و ميار في الكرسي قدامي خاتر تدوخ هكاك و داخت و تقيات صرى فيها المنكر. هبطت معاها وردة حتى نسمعها تقوللها


قتلك روحي و خليني موش محتمة عليك أصلا ماعندي حتى علاقة بعائلتك الجديدة ...


حسيت بيها وكيفاه مانحسش و أنا كنت أصغر منها و هربت من الدار خاتر حسيت روحي واحد مايحبني ...رجعت ركبت قدامي و قلبي يوجع فيا تبان صغيرة خلاه و ضعيفة وبيضاء خلاااه و خدودها وردي و عينيها معبيين دموع ...


وصلنا لتونس بعد ما كنت حكمت3 شومبر في الأوتال في سوسة و غير سمعت سرين جات تجري هي و خالتي محبوبة كانو باغيين يباركو لعمي الساسي بصح تجري الرياح بما لا تشتهي السفن ...


راح عمي الساسي و عروستو و معاهم خالتي محبوبة و بقيت أنا و ميار و سرين و كان الجو مكهرب واحد فينا ما يهدر على طبيعتو ...


سرين : (في قلبها ) شكونها السخطة هذي ...


منيب : تاكلو الأكرام نروح نجيبلكم و نجي ...


غير راح منيب إستغلت سرين الفرصة باش تحذر ميار من أنها تقرب لمنيب الي هو حب حياتها ...


سرين : أسمع نقلك لا تحسابلك تخدعيني بنواظر هاري بوتر هذم و النظرة البريئة نعرفكم راهو أنتو بنات دزاير منيب موش باش ينظرلك ننصحك ما تحطيش أمل ...


ميار : واش راكي تهدري خصيت غير فيك أنتي ....ياخي حالة ...


منيب : أنا قعدت و ميار ناضت و باين عليها قلقانة ... واش بيها ؟؟


سرين : والله مانعرف ...تكونش الطفلة مسكونة كانت قاعدة في غرضها حتى تنطرت وقفت ...


فضت زيارة خالتي محبوبة و بنتها الي كانت تحاول فيها أنها تقعد ...


النهارين الأولين ماشفتش ميار خلاااه و كنت نخرج نتلاقى بصحابي الي قراو معايا و يسكنو في سوسة ....النهار الثالث جيت خارج من بيتي تلاقيت بميار الي باين عليها الملل و الفدة ...


منيب : واش راكي تنحى عليك التعب تاع الفواياج ؟؟ ميار : الحمد لله خير ...


منيب : واقيلا ماخرجتيش من الي جينا ؟؟؟ ميار : ووين راح نروح ؟؟ منيب : تحبي نديك تحوسي ؟؟ ميار : مانعرف سقسي ماما ...


منيب : أوكي ...


عيطت لوردة و قاتلي خرجها تحوس خاتر قلقت وحدها ...دخلت لبست غوب طويلة بلون عينيهاو صوندال بيضاء و جات تقتل ...كنا ماشيين على شط البحر من بعد وقفت ...


منيب : سامحيني بصح لدرك ماتعرفناش مليح أنا منيب26 سنة موظف في شركة متخرج إدارة أعمال...


ميار : و أنا ميار و الباقي تعرفو

 

|| الحلقة 11 ||



ميار : سامحني منيب فسدتلك سهرتك ..


منيب : واش قاعدة تقولي أنتي سامحيني ماكنتش علابالي مريضة مافيها والو مانزيدوش نرجعو لهيه خلاص نبقاو هنا...


هي ساكتة و أنا ساكت في هذيك البلاصة الي مافيها حتى واحد غيرنا العرض قررو يعملوه في الظلمة على هذيك بقينا ثم


ميار : علابالك من وقتاه دارتلي هذي الفوبيا ...؟؟ من نهار ضربني السراق و هرب وليت مانقدرش نقعد في الظلمة و نحس واحد راح يحكمني ولا يضربني ...


(في قلب منيب)علاه علاه تزيدي عليا كل يوم يزيد يكبر ذنبك في رقبتي واش راح نعمل باه تنسي النهار هذاك والله غلطت سامحيني.. المهم ماتخافيش درك راني معاك ..

ميار : موش خايفة .... بقيت نشوف مع منيب الي تأثر بالي صرالي و شفت دموع في عينيه هذا أول راجل بعد بابا يحس بيا و يسمعني ...
كانت الساعة 23:00 و فض العرض الكوميدي و بدات الحفلة و بدأ الشطيح و الرديح الدنيا مروبلة رجعنا وين العباد كل حتى تجي غنية رومنسية وقفو ليكوبل الي نصهم أجانب يشطحو ولا بمعنى آخر يبوسو و يحضنو و تخلطت و بقيت أنا و ميار قاعدين واحد ماقادر يشوف مع الثاني من هول المشهد ...
منيب :ماقلتيليش علمية ولا أدبية ؟؟ ميار : أدبية ...
منيب : كنت نخلق في موضوع باه ننسى الجو الي رانا فيه .... وواش مقررة ديري كي تدي الباك ...
ميار : والو راح نقعد في الدار الجامعة فيها غير المشاكل و أنا نخاف ..
بقيت حاير أول مرة نسمع طفلة موش باغية تقرأ ..كل دقيقة يزيد إعجابي ليها و نتأكد أنها طفلة غير كل البنات ...
فضت السهرة الي ماشفنا فيها والو و كان البابور راجع للشط و أنا و ميار واقفين نشوفو للقمر الي كان مخبي من وراء السحاب مانيش رومنسي بصح حسيت بالرومنسية
منيب : ميار لكن يخطبوك تزوجي ؟؟ ميار : هههههههه مانعرف .
منيب : تقبلي تزوجي بيا ؟؟ ميار : (مصدومة ) واش راك تهدر ؟؟ منيب : ماتجاوبينيش درك خممي بعقلك حتى شهر بصح الي نقدر نقولهولك تعجبيني ..
هبطنا و الحشمة تقتل فينا وصلتها لباب لاشومبر و قلتلها تصبحي على خير و هي تبسمت معايا تبسيمة تطير العقل و دخلت خلاتني غارق فيها الليل و طولو ... العينين هذوك عشقتهم قبل 7سنين عندي حساب تسالهولي لازم نخلصو الطفلة تستاهل تعيش هانية و نشالله ما نظلمهاش ...
طلع النهار و هبطت نفطر مع عمي و مرتو ولحقت ميار قعدت معانا فطرنا كل كيف كيف عمي الساسي راح هو و المدام و بقيت أنا و ميار ...
ميار : جهاد خممت في اللي قلتيه البارح و حبيت نخبرك أني موش قابلة ...
|| الحلقة 12 ||
منيب جاء الجواب تاعها كي الصاعقة الي ضربتني ....علاه ؟؟ ميار : حبيبتك سرين قالتلي أنكم تحبو بعضاكم ...
منيب : أووووف منك سرين ...أنا الي نقلك عمري ما حبيتها و ما وعدتها بحتى شيء هي الي حطتني في راسها و كان نشوفها نتفاهمو عليها الهدرة هذي ...
ميار : مانعرف ...هههه هاي جات أذكر القط يجي ينط ..
سرين :أوووو كنتو تهدرو عليا ؟؟
حكمتها من ذراعها و رحنا بعيد ..
منيب : سرين عمري قتلك نحبك ؟؟ سرين : تشوكات .... لا علاه منيب واش قاتلك الفسادة هذيك ..
منيب : انتي الي واش قلتيلها ؟؟ نحبك تروحيلها درك تقليلها منيب كي خويا أصلا أنا من طول عمري نقلك أختي
سرين : كانو دموعي تهبط و أنا ماقدرتش نخبيهم كرامتي تجرحت خلااااص.... في قلبي نقول كيفاه أختك و أنا نعشق فيك كيفاه أختك و أنا حياتي لكلها عشتها ليك ...مشيت معاه و أنا نجر في خسارتي قدام الكلبة هذي الي ماعندهاش6 شهور من الي عرفها وقفت قدامها نمثل أني أختو ....
سرين :يووون عليك ميار أمانك كنت نفزلك معاك نتي منيب خويا و لا أكثر ...
ميار : هههه الي يشوفك هذاك النهار ...
مشيت و قلبي يتقطع دموعي تسيح علاااه منيب جرحتني كيما هك علااااه
منيب : و درك ...سمعتي بوذنك أننا خاوة لا أكثر ولا أقل واش قلتي ...
ميار : نفكر و نرد عليك ...
جاء الليل و قررت ندخل نعمل دوش في شمبرتي نحيت قشي و دخلت للدوش راقدة في البينوار نتمتع بالماء الدافي و مغمضة عينيا نجي نحلهم نلقى الدنيا ظلمة و جاتني النوبة تاع الخوف وفقت و أنا نحاول نتنفس عملت المنشفة على نصي من صدري لفوق الركبة كنت راح ندوخ أول مرة تصرالي و يروح الضوء و أنا وحدي ماعرفتش وين نروح قعدت في الأرض و مغمضة عينيا و ندعي في ربي تجيني ماما كنت نعيط ماما ماماااااااا حتى قربت نتخنق كان صوتي مخنوق و بالسيف يخرج ...
منيب : أووووف واش لوتال هذا علاه راح الضوء ...خرجت نسقسي واش كاين خبرني واحد يخدم ثم أنهم أعلنو الصباح أنها كاين أعمال صيانة لمدة ربع ساعة
|| الحلقة 13 ||
حطيتها فوق السرير ومحضنها عندي كانت ترجف و حاكمة فيا بزوج يدين نبوس فيها على راسها و نقلها ماتخافيش مانخليكش درت لاتورش تاع برطابلها و برطابلي و ضوات لاشومبر و بدأ يتنحى عليها كنت محضنها و هي عريانة في المنشفة و شعرها المبلول هابط مع ظهرها في هذاك الموقف و أنا زدت هبلت عليها... ميار : ماتخلينيش ربي يخليك منيب
..
منيب : نحبك ميار مانخليكش و عمري ما راح نخليك سامحيني سامحيني
...
فاتت الربع ساعة هذيك كي الريح و رجع الضو و ميار دخلت في بعضاها و حشمت خلااااه من الحالة الي كانت فيها و أنا كنت فرحان أني قدرت نكون قريب ليها لهذاك الحد خدودها الحمر هذوك زادو فيها النص نحبها خلاااص تأكدت
...
ميار : ماعيش تخرج منيب و شكرا
...
منيب
: (فقت مع روحي ) هيه إيييه صح نروح ...كشما حتجتي راني هنا حليت الباب جيت خارج و من بعد رجعت حليتو حبيت نقلها إذا تخرج معايا تبدل جو ...ماتوقعتش تكون عريانة و تخلعت و هي تخلعت و ماصبت نقفل الباب ولا نقلها سامحيني ولا نقلها إذا تخرج المهم تعوقت قدام الباب ووقعدت نبهم حتى رجعت غطات رحها و دزتني خرجت البرا ...
قفلت ميار الباب بالمفتاح و أنا رجعت لشومبرتي فرحان الي شفتو الليلة يكفيني هههه
..
ميار
: أووووه شافني عريانة أووووه الحشومة عريانة خلاااه يوووون عيب وين ندي وجهي منو غدوة ؟؟ واش من غدوة الأيام الي جاية كل و ديجا راح نسكن معاه أووووف ...
فات شهر العسل تاع عمي الساسي و أنا و ميار نلعبو في لعبت القط و الفار هي تدرڨ عليا و أنا نحوس عليها المهم هي مازالها حشمانة مني بصح أنا كنت نعامل فيها عادي كأن شيء لم يكن ..العكس كنت نستغل كل فرصة باه نثبتلها أني نحبها و ناويها صح حلالي ... رجعنا للدار و بدأ قلبها يحن عليا ولينا نقعدو بزاف مع بعضانا نتفرجو ليفلم و المسلسلات المهم وليت من الدار مانخرجش كنت نتخيلها مرتي و ماتفوتش دقيقة ندخل فيها للدار و مانشوفهاش حتى كي تحب تخرج تقضي أنا نديها
..
أمين : صباح الخير شريكي واش نسيتينا ؟؟ منيب : صباح الخير ...و كنت رايح
...
أمين : وينهم صواردي ...ولا طفيتي عليا الضو و زادت حلاتلك ديتي الجمل بما حمل ....سرقتي المير و زدتي طيحتي بنتو
...
منيب : امين قتلك صوارد الناس و راح نرجعهم ...و ما تزيدش تجيب سيرة ميار على فمك
...
أمين : شوووف ماتحشيلي ما نحشيلك نحب صواردي لا ماكانش ميار تعرف الحكاية من الأول خلااااه سمعت ؟؟ في يدك نهارين
..
منيب : يا واحد الطحان ( صلح فيه كف بصح هرب
)
أمين : نستناك سمعت
....
ميار : واش بيه أمين ؟؟

|| الحلقة 14 ||
منيب : رخيس ماعندو ما بيه هيا
...
بقيت نهار كامل نخمم واش لازم ندير خايف تسمع ميار و تكرهني خاتر أنا سبب نص العقد و المشاكل الي صراتلها في حياتها
....
هدرت مع عمي الساسي و قررنا نروحو للشيخ تاع الجامع و نحكيولو الحكاية و نشوفو بواش ينصحنا
...
الشيخ
: والله يا ولدي مشكلتكم معقدة و حلها صعيب أنتم إنشاء الله يتقبل منك الله توبتكم فالله يقبل التوبة من من يشاء و كل بني آدم خطاء و خير الخطاؤون التوابون ...
منيب : و كيفاه نعمل يا فضيلة الشيخ هذي سبع سنين و حنا نحوسو على حل للذهب هذاك
..
الشيخ
: أولا يا ولدي الذهب هذاك سرقتوه بغض النظر عن أنو صاحبو سراق ولا لا ...انت موش مسؤول تحاسب البشر ربي فرات يقدر يحاسبهم ..أنت تروح لزوجة السيد هذا و بنتو بإعتبارها الوريثة الوحيدة و تصارحهم بكل شيء و هم يقررو يدوه و يعيشو بالحرام و لا يتصدقو بيه كيما قلت
منيب : مانقدرش ...ماكانش حل أوخر
...
الشيخ : للأسف هذا هو الحل الوحيد
...
رجعت أنا و عمي الساسي و حنا علابالنا أنو فيزوج راح نخسرو حب حياتنا إذا صارحنا ميار و أمها
...
و المفاجئة كي رجعنا و لقينا الكلب تاع أمين حكى لميار كل شيء و لقينا الدنيا داخلة في بعضاها
...
وردة : صح الي سمعناه يا الساسي أهدر قلي الطفل يكذب
...
عمي الساسي : أصبري نفهمك في كل شي هيا معايا
....
دخل عمي الساسي ووردة لبيتهم يفهمها الي صرى من الأول و أنا مالقيت منين نبدأ لميار ولا كيفاه نفهمها
.
ميار
: تسمى أنت هو الحقير الي دخل لدارنا و سرقنا و ضربني ؟؟ و هرب أنت هو الي خليتي ماما تطلق من بابا و أنت هو الي خليتيني نعيش خايفة من كل شيء ليومنا هذا ؟؟ أنت منيب علاه أنت ؟؟ و زدت رجعت تمثل عليا الحب بغيت تشريني بصواردي بغيتني ننسى أنو بابا مات بالحرقة تاع الذهب الي تسرق انت كلب ماتحشمش ..(كانت تهدر و تبكي تعيط عليا و تضرب فيا و أنا واقف كي الصنم ) علاااااه منيب عملت هك وعلاه خليتني نتعلق بيك و كنت راح نقبل نكون حبيبتك و مرتك و ظهرت هك سراق تفوووووه عليك حيوان قليل النخوة ...(كانت رايحة و رجعت ) تعرف تمنيت الضربة تاعك هذيك قتلتني و ماعشتش للنهار الي يجي سراق كيفك يعيشني و يصرف عليا ....
كل خزرة من عينها كانت موس تغرس في قلبي كل كلمة قالتها زعزعتني و حطمتني و حرقتني وعلاه ماهدرتش وعلاه ماقلتلهاش سامحيني علااااه ؟؟
دخلت ميار لبيتها و لمت حوايجها و بدات تعيط ماما ماما مامااااااا ... خرجت وردة من الشومبرة و في يدها الكوفر الملعون ...هيه اللعنة الي طاحت عليا
...
وردة : أقعدي ميار نهدر معاك
...
ميار : نخرجو من هنا و نهدرو ..هيا ماما



||
الحلقة 15 ||
وردة
: قتلك أقعدي ...بدات وردة تحكيلها أنو الذهب كامل مازال بأمانتو ...و انو ماصرفناهش ... بغيت نقلك حاجة يا ميار بنتي علابالك باباك كان المير ؟؟ بصح الي ماعلابلكش بيه أنو كان أكبر سراق ..العهدة تاعو نهب فيها صوارد الشعب كان يشريهم ذهب على أساس ليا أنا بصح هو في الحقيقة مجرد وسيلة يخبي بيها مسروقاتو ..
ميار : كذابة تكذبي عليا و تخبي في حقيقة العصابة الي عايشين معاهم
..
هزت وردة يدها و ضربتها بكف .... و من غير ما نفيق جريت عند ميار و حكمتها بصح هي كانت هايجة و تقلي أخطيني يا حرايمي يا سراق بابا أشرف منكم درك نباصيكم كل حتى أنتي ماما معاهم
...
وردة
: هههه أنا ميار أنا الي خدمت عليك عند الناس غير باه نقريك و نوكلك و نلبسك أنا الي ماحبيتش نعيشك في صوارد الحرام تاع باباك ...هيه هم سراقين بصح أنتي روحي سقسي على باباك روحي تسمعي واش عمل حوسي على إنسان يحبو ولا عمل فيه الخير ...باباك شيطان النهار الي حكم مير تبدل و ولى مايشبعش ...
ميار غير تسمع و تبكي و تقول لا
...
وردة
: لكن حب منيب يصرفهم راهو صرفهم بصح لا قرر يرجعهم للناس الي تحتاجهم و أنا كيف كيف ندي حوايجي الي جبتهم من دار بابا و الباقي إذا بغيتي ديري كي باباك هاكي عيشي بيهم .....
هزت ميار صاكها و خرجت تبكي كانت تمشي و أنا ماشي ما وراها ماكانش عندي الكوراج نهدر معاها خاتر في كل الأحوال و مهما عملت راح نبقى في عينها سراق حتى نشوف أمين حبسها وواقف يهدر معاه أنا هبلت رحت نجري و بديت نضرب فيه كي المجنون و ماحبستش حتى داخ و وجهو تغطى بالدم ...و ميار كانت تبكي و تعيط خليه خليه و فقت غير كي قاتلي حبس يا متوحش ..ثم فقت أنو كل حاجة نعملها راهي تزيد تكرهها فيا و خلاااه
..
راحت ميار و هي خايفة مني تمشي و دور من وراها و تقلي خليني ما تبعنيش
...



|| الحلقة 16 ||
بغيت نبكي اني خسرت الإنسانة الوحيدة الي حبيتها في حياتي موش راح نقول حبيت يما خاتر نكرهها هذي هي الإنسانة الوحيدة الي قدرت تكسر الجبل الي قاعد على قلبي
...
راجعت ميار العشية و قفلت باب بيتها كنت نعيطلها في البورطابل و ماتجاوبنيش و ماتخرجش غير كي نكون البرى و ماتهدر حتى مع حد حتى مع أمها ماتهدرش... خرجت الريزيلتا تاع الباك و ميار مافرحت ما خلات امها تفرح
...
وردة : حلي نهدر معاك
...
دخلت وردة عندها و بدات تهدر معاها ...وعلاه ديري كيما هك يا بنتي وعلاه ستخسرتي فيا أول فرحة في عمري وعلااااه أنا قتلت باباك ؟؟ باباك قتلو الطمع تاعو يا بنتي ...أنا طلقتو خاتر ماحبيتش تكبري في الحرام
....
حضنت ميار أمها و بدات تبكي و تقلها سامحيني يا ماما حست ميار أنها جرحت أمها بهدرتها خاصة بعد ما سمعت الناس واش كانت تهدر على باباها و قداه كاين ناس تكرهو من فعايلو
...
رجعت المياه لمجاريها غير أنها مازالت ماتهدرش معايا ... و مابقيتش نصبر عليها ...حليت الباب و دخلت عندها
...
ميار : أخرج

منيب : هيا معايا
....
ميار : مانروحش معاك حتى لبلاصة أخرج

منيب
: راح تروحي معايا ...هزيتها و هي تعيط ...سامحيني طاطا وردة محتاج ميار في هدرة ماعليش ( و ميار مازالها تعيط ) ضحكت وردة و قاتلي ماعليش .....
ركبتها معايا في الطوموبيل و مشيت هي متغششة و أنا نسوق ... وصلنا للبحر هبطتها بالسيف عليها
...
منيب
: ميار سامحيني والله نحبك و مانقدرش نعيش بلابيك. ..من النهار الي ضربتك فيه و أنا كل ليلة نشوف عينيك نعشق فيك سامحيني كنت صغير و مراهق مانعرفش صلاحي و ماكانش قصدي نضربك النهار هذاك بصح حتى أنا خفت أكثر منك ...
ميار : خلصت ؟؟
منيب
: لا (حكمتها جبدتها عندي و بديت نبوس فيها و ماعلاباليش علاه عملت هك ممكن هذا أكبر تعبير على حبها الي في قلبي كانت في الأول تبعد فيا عليها من بعد إستسلمت و حطت يديها في رقبتي و أنا خلاااص قررت نبوسها حتى يفض فيا النفس حتى نتعب هزيتها بين يديا و أنا نحس بالحنان الي عمري ما حسيتو من عند امي بصح حنانة مخلطة بالرغبة و الإثارة ...
فضت البوسة ...تعرفي ميار أول مرة نعشق و راح تكوني مرتي أنتي تاعي وحدي نهبل عليك ..سكتت و هبطت عينيها و تبسمت بطرف الشفايف هذوك يسحروني ...زدت حضنتها عندي من غير ما تنطق حتى بكلمة
...
ميار : خلاااص منيب الناس تشوف فينا
..
منيب : خلي يشوفو انتي مرتي
...
ميار : مممم مرتك !!!؟؟ بصحتك مرأة ب10 عقد نفسية و رأس مخيط4 مساسك و عورة ماتشوفش مليح
..
منيب: ههههههه الي قلتيهم كل يخلوني نزيد نعشقك أكثر







|| الحلقة 17 ||
رجعنا للدار نضحكو و ريقلنا أمورنا تفاهمت معاها تكمل قرايتها و دير مستقبلها و نديرو خطبة و عقد المهم تولي مرتي شرعا... الذهب هذاك قررت ميار تحل بيه جمعية خيرية تعاون فيها النساء المطلقات و الأمهات العزبات و وردة هي الي تكون مديرة تاعها
...
ميار : اوعدني تكون آخر حاجة تخبيها عليا
..
منيب :نوعدك ماكنش أسرار من اليوم (و جاء بين عينيا مسلسل طفولتي الي واحد مايعرف عليه حتى شيء
)
سجلت ميار و بدات تقرأ و فتحنا الجمعية الخيرية و بدينا نوجدو للفاتحة و العقد ...و نهار هزت ميار لاكارت تاعي و قرات الإسم
...
ميار : مصطفى مقران ؟؟؟
منيب : ههههه هيه إسمي في لاكارت
...
ميار : من مصطفى لمنيب ممممم تطور ملحوظ
منيب : أضحكي أضحكي يا القطة
...
ميار : ماقلتيليش وقتاه تجي ماماك و باباك ؟؟ منيب : (تخلعت ) نهار العقد؟
ميار : من حق يجو قبل على الأقل نتعرف على عجوزتي و شيخي
..
عرفت انو كذباتي مازالو مافضوش و ربي يستر يفوت العقد على خير
...
تفاهمت نهدر مع عمي الساسي يهدر مع خوه (بابات الطفل الي مات ) يمثل هو و زوجتو دور أمي و بابا النهار هذاك برك مع أنهم كانو رافضين الفكرة يااا ربي تفوت على خير
..
ميار : تعرف حبوبي أنو من غدوة نعود مرتك على سنة الله و رسوله
..
منيب : نعرف يا قطوطتي الصغيرة نحبك مالڨري نستنى النهار الي نولي نرقد معاك في بيت وحدة ...هيا حاجة برك نصبر بيها روحي
.
ميار : نونونونونو والووووو (و هربت
)
كل يوم نزيد نتعلق بيها الطفلة هذي
جاء نهار العقد كنت فرحان و مقلق خايف تصرى حاجة تفسدلي فرحتي و نهبل
..
رحمة : هههههه ياخي حالة الي يشوفك كيفاه ترجفي يقول ماتعرفيهش العبد هذا و انتي عايشة معاه في دار وحدة
...
ميار
: هيه عايشة معاه بصح درك راح نولي مرتو ..لبست غوب سواري روز و غوج ألافر روز و ماكياج سامبل خلاااه و جيت توب نخاتركم منيب اليوم مايعرفنيش ...
جات العائلة كل و انا كنت قاعدة في بيتي مع رحمة صاحبتي وونستنى الشيخ يقرأ الفاتحة و نخرج عندهم بديت نسمع في الزغاريت و قلبي يخبط بالقوة حتى جات وحدة قاتلي انا أخت مصطفى و بالسيف تفكرت انو منيب هو مصطفى ههههه خرجتني و انا نشوف في حبيبي بالكوستيم جاء يقتل
...
منيب
: وقفت قدامي و انا لحمي كامل تشوك بغيت ندور عندها نشوف مع العينين هذوك الي سحروني من أول نهار و حشمت ...( ڨدمت فمي لوذنها قلتلها نحبك يا مرتي جيتي تهبلي )
فات كل شيء مليح لبسنا الخواتم و شطحنا و كلينا لاطارت و تفرڨو الناس و مانعرف علاه ما درتش العرس ضربة وحدة خاتر كنت راح نشعل عليها و موش قادر نصبر
.. .


|| الحلقة 18 ||
منيب : ألو عمري ...
ميار : ألو واش باغي ؟؟ منيب : تجي و لا نجي ؟؟ ميار : راح نرقد روح تلعب ...
منيب : نتخاترو تجيني تجري ...
ميار : أحلم أحلم تصبح على خير ....
حبيت نلعب معاها رحت طفيت الكونتار و رجعت لبيتي و بقيت نستنى راكم تعرفو 
الفوبيا ... هههه 
راح الضوء و أنا راح نبدأ نرجف و من غير ما نحس رحت نجري عند منيب للبيت تاعو حليت الباب و دخلت ..
ميار : راح الضو منيب راك هنا ؟؟ أهدر منييب وينك ؟؟ منيب : قدمت عندها حتى 

وقفت قدامها و بديت نبوس فيها و نحض و هزيتها حطيتها في سريري و أنا ندغدغ فيها ...
ميار : نكرهك منيب موش لعبة هذي راك تستغل فيا هك شعل الضو منيب تخنقت .
..
منيب : الليلة نحيلك العقدة الليلة تباتي معايا هك في الظلمة أمممموح و نبات نبوس فيك حتى يطلع النهار ...
ميار : مجنون أنت شعل الضوء مانقدرش تخنقت منيب ( كنت نتمسخر بيه خاتر

 ماكنتش نحس بالاعراض كيما قبل كنت عادي
شعل منيب الضو و جاء ...
وقفت في الباب و طفيت عليه الضوء و عاودت شعلتو و خرجتلو لساني و قتلو كلختلك مابقيتش نخاف من الظلمة ....و هربت ..
ياخي ستوتة ياخي ...
بدات ميار القراية و أنا بديت نغير عليها حبي الله يبارك عليها الزين و الدين و

1000 واحد يتمناها و زيد كنت ساعة على ساعة نشوف واحد يتبع فيها قبل كي كانت تقرأ ولا حتى درك كنت نوصلها أنا للجامعة و نروح نديها ....

جاء نهار خرجت على4 قلت نروح نجيبها حتى نلقاها واقفة مع طفل في نص الجامعة و زيد مدلها ورقة و هي حكمتها ...و أنا هجت ...رحت و عينيا مغمضين حتى وصلت قدامها جبدت مع الطفل الي معاها بكف و هي حكمتها من ذراعها و قلتلها شكون هذا ؟ 
ميار : واش بيك منيب هبلت ؟؟ هذا جواد يقرأ معايا يحوس على خوه مدلي الإعلان شوف ...والله مجرد زميل ..
حكمت الإعلان في يدي و أنا الدخان خارج من وذنيا و الطفل هذاك حاكم خدو و يشوف معايا و حاير علاه ضربتو ؟؟ نهز نشوف مع الورقة و نفشل قريب دخت ...


|| الحلقة 20 ||

منيب : وعلاه حتى تلوم رحها ؟؟ جواد : تقول ماهتميتش بيه و زيد كانت في مشاكل مع بابا و قريب تطلقو بصح كي راح خويا رجعو مع بعضاهم و قررو يربوني أنا و مايضيعونيش كيما ضيعو خويا ....و زادت جابت ماما زوج بنات توأم بصح واحد ما جاء في بلاصة منيب ...على هذيك قلت نحوس عليه لاعل و عسى نلقاه ولا واحد يكون يعرفو ...
منيب : كل كلمة قالها زادت عليا كنت ديما كي نتفكر أني هربت من الدار نقول هذا هو الصح و كبر و عمري ما لمت روحي ولا ندمت بصح جاء النهار الي راني ندمان بعد ما سمعت واش صرى من بعدي ...ماسقسيتكش و باباك ؟؟ جواد : بابا ههههه لدرك يعيطلي منيب و يقلي نحب نحس ولدي مازال معايا ...مسكين كنت نلقاه سعات حاكم تصويرتو و يبكي ...
رجعت للدار وحدي من غير ما ندي ميار دخلت لبيتي و كنت نبكي بحرقة نبكي على العذاب الي تسببت فيه للناس الي تعرفني كل أي إنسان عرفني في حياتي تعذب ...و مازال كي تعرف ميار و تخليني ...
فاتت ليام و كل يوم نزيد نتحطم كنت حاسس روحي باني سعادتي على كذبة قادر في أي لحظة تضيع و نبقى وحدي كيما كنت ..
بديت نتبدل و كثرت العصبية تاعي مابقيتش نهدر و نضحك مع ميار كيما قبل نوجد في روحي للنهار الي تعرف فيه أني أنا موش أنا ...
ميار : واش بيك منيب واش كاين من كلمة تشعل فيا موش حابني نهدر معاك ...

منيب : أخطيني مانيش مليح ...
عمي الساسي : واش كاين يا ولاد كل يوم مشاكل كل يوم عراكات ...؟؟ ميار : راك

 تشوف أعمي تبدل عليا مانعرف واش بيه ؟؟ عمي الساسي : خلاااص الحل راه باين 
 ... الشهر هذا نديرو العرس هههههه 
منيب : لااااا ماكنش عرس ...
سكتو الجميع موش مصدقين و أنا الي كنت راح نشعل عليها و نقلهم ندير العرس في 
أقرب وقت !!!؛
ميار : قلتلكم تبدل ...و راحت تبكي ..و لحقت عليها وردة ..
عمي الساسي : واش كاين منيب واش زغد عليك هذي ميار الي تعشق فيها ..واش تبدل ؟؟ منيب : شيء ما تبدل أنا الي مانستاهلهاش أنا الكذاب ...
الساسي : حكمتو على كتفو و خزرت في عينيه ... أهدر واش كاين ؟ خنتها ؟؟ منيب : ههه هيه خنتها خنتها النهار الي ماقلتلهاش اني موش ولد خوك ...
الساسي : واش جبدك في الحكاية هذب بعد السنين هذي كل ؟؟ منيب : خويا معاها في الجامعة ...
الساسي : خوك ؟!!!!!!
منيب : هيه عندي خويا و زوج خواتاتي بنات تصدق ؟؟؟ الساسي : شكون قالك ؟؟ منيب : خويا حكالي كل شيء ..
حكيت لعمي الساسي على كل حاجة و هو قالي خليها عليا أنا نحل كل شيء ...
ماعرفتش واش راح يدير خاتر كنت محطم ...
من غير ما نعلم راح عمي الساسي عند والديا الحقيقين و حكالهم كل شيء و عرضهم يجو عندنا .

 

...|| الحلقة 21 ||


جاء نهار الجمعة عمي الساسي جاب الطباخ و ذبح خروف و أنا موش فاهم واش كاين .. منيب : واش هذا كل ؟؟ عمي الساسي : حطو عيد ميلادك ههههههه 
منيب : هههههه ربي يثبت علينا العقل و الدين ....ميار و وردة نهارين ماشفتهمش نتوقع مازالت قلقانة مني ...
بعد الجمعة بداو صحاب عمي الساسي يدخلو و انا مافاهم فيها حتى شيء ...
حتى يبداو الزغاريت ..و البارود مالي الحومة الدنيا راح طير ...و تدخل ميار من الباب بلاروب بلونش و جواد خويا لابس برنوس و مدخلها تحت جناحو وردة تبكي و مرأة قدامها و زوج بنات يبكو ...المرأة يما .. كيفاه ننسى الأم الي ولدتني جاو يمشيو و الدموع مالية عينيهم و أنا مابقاوش رجليا هازيني ندور لعمي الساسي نلقاه حتى هو عينيه بالدموع ....
وصلت قدامي ميار ...حتى نلقى جواد و البنات فيزوج محضنيني و يقولولي مبروك يا خويا ....عرفت أنو كل شيء بان و الناس كل عرفت الحقيقة .....
و تجي الدقيقة الي خلخلت قلبي من بلاصتو أمي الحبيبة و بابا العزيز الي عاقبتهم في الدنيا أشد العقاب و حرقتلهم قلوبهم عليا ...كانو يبوسو فيا و يطلو في السماح وواحد فينا ما عارف شكون غلط في حق شكون ...
الناس الحاضرين كل يبكو من الي كان عرس ولات الناس كل تبكي ......
قعدوني قدام ميار ...و هي تقلي حسبتني نخليك كي نعرف انك انت خاطي أنت والله ماخليتك و نبقى نعشق فيك ...
فات العرس و ديت عروستي و رحنا للوتال بالزغاريت و البارود و الدموع .. دخلنا لاشومبر ...
منيب : أوووووف الحمد لله يا ربي هم و إنزاح من فوق صدري موش مصدق أني من اليوم موش راح نخاف تروحي و تخليني نحبك يا مرتي. ..
ميار : أنا عشقت القلب الي هنا موش اسمك ولا لقمتك ..
كملت عايش مع حبيبتي في داري و عمي الساسي و وردة رحلو لبيت صغيرة و عايلتي الحمد لله رجعت علاقتي بيهم و عندي خاوة و خواتات و الي خير من هذا كل راني نستنى يجيني ببون يزهي عليا دنيتي و أمو هي حبيبة قلبي ميار 
❤❣ النهاية ❣❤
قولولي رايكم 😍😘

يمكنكم ايظا مشاهدة المزيد من هنا 







تعليقات

التنقل السريع